新世界集團旗下的新世界創建噚日喺灣仔運動場，舉行「新創建好玩動感同樂日」，各分公司設計了多款攤位遊戲及唱遊節目，總共吸引四千員工及家屬到場，八方也去湊熱鬧。據悉，今次係第二年搞呢類活動，新世界集團主席鄭裕彤及董事總經理鄭家純都有出席，為員工打打氣，重主持頒獎，都算同員工打成一片。
為了增加現場氣氛，大會準備了大量、𠵱家經常在演唱會使用的長形吹氣棒。呢啲棒拍起上來特別大聲，用來代替拍掌。
八方見到彤叔及純官對手上兩支棒棒，似乎感到相當新鮮，玩得不亦樂乎，但係好快就發現有傳媒影相唔再玩。
（圖）彤叔（左）同純官拎住啲棒，玩得好開心。
傳真︰2623-9278
電郵︰