剛過去嘅2002年原來俾聯合國訂為「國際生態旅遊年」，民建聯同中華煤氣公司搞咗個生態旅遊路線設計比賽，都幾有意思。
有份做評判嘅蔡素玉話，今次嘅參賽者都好畀心機，不過有啲參賽隊伍就掛住講去邊度BBQ，邊度釣魚，邊度騎單車好，同生態旅行嘅原意有所不同，所以冇被選中。
最後勝出嘅隊伍都能夠清楚講到點樣可以搵到啲生態資源，拍到好似蝴蝶同蜻蜓嘅生態情況。
學生組由觀塘瑪利諾書院奪得冠軍，佢哋帶大家去三寶之地鹿頸、鳳坑，荔枝窩同印州堂海岸公園一遊，而公開組就由灣仔環境資源中心勝出，佢哋教點去荔枝莊、白沙澳村同埋海下村，各得六千蚊獎金，都幾唔錯。
大家如果想跟住佢哋條路線行，可以問主辦單位攞小冊子，都幾方便㗎。
傳真︰2623-9278
電郵︰