早排一項半官方機構做的網上選舉，董特首登上「負面人物」第二名，而「香港良心」陳方安生則榮登「正面人物」第二名，兩人都係三甲之選，不過就差天共地。噚日八方喺金鐘撞到陳太，佢身穿皮草、戴鑽石耳環，一身富泰與孖生妹妹陸方寧生悠悠閒逛街，走入名店Chanel睇手袋，不過就冇收穫。
陳太心情好靚，同八方講話添咗個孫，比以前辛苦啲，新年都會留港度歲咁話。八方問佢對前老細阿董負面形象數一數二點睇，陳太就笑笑口話唔會答。但對謝霆鋒負面稱冠不擔心，佢話：「𠵱家啲青少年都識得分是非黑白嘅。」轉頭就繼續行街，真係無官一身輕。
（圖）陳太同孖生妹妹一齊行入Chanel睇手袋，不過就冇收穫。
傳真︰2623-9278
電郵︰