「受到亞洲金融風暴、全球經濟、九一一事件等種種外圍因素影響，目前香港經濟正面對前所未有嘅衝擊。經濟泡沫已經爆破，今日香港進入經濟轉型困難時刻，需要較長時間先可以恢復……我好努力，大家已經好努力，日以繼夜咁解決問題，我哋好有信心，一定能夠引領香港擺脫困境，相信好快就有結果。你哋等下啦，問題唔係你或者其他一、兩個人成日挖苦我就可以解決……」
上述一段說話你估係邊個講嘅？董先生？錯！係八方根據一個讀者早前fax嚟嘅十六句《老懵懂的護身符》作嘅。但大家背熟佢，唔好話做官，特區行政首長都有得你做！
大家可能都有發覺，自從九七年引領香港人進入經濟低谷，然後又成日話要竭盡所能帶領市民走出困局嘅董先生，最識替自己護短，將所有問題歸咎於「外圍因素」都不特止，又唔肯接受任何批評，淨係識叫人唔好「挖苦」佢。
呢位心水清嘅讀者於是一口氣念咗十六句特首口頭禪，傳真畀八方欣賞，話呢十六句係《老懵懂的護身符》，八方覺得一啲都冇錯。
傳真︰2623-9278
電郵︰