慶祝九十周年嘅港大聖約翰學院，今日下晝舉行嘉年華會，個名好有心思，叫做「回力鏢嘉年華」，寓意當然係想多啲師兄師姐返去敍吓舊，重溫當年嘅讀書歲月啦。
由下晝一點開始到五點，位於薄扶林嘅聖約翰，就會有各式各樣嘅活動，包括攤位遊戲、音樂表演、舍堂比賽、宿舍參觀等等；兩點半有男士舊生扯大纜比賽，四點就有女仔舊生嘅跳大繩比賽，學院方面重體貼入微，四點準備咗兒童遊戲時間，專門招待拖男帶女嘅舊生。唔知知名嘅聖約翰舊生，好似梁錦松、馬時亨、廖秀冬同楊森，得唔得閒返去逛吓呢？
傳真︰2623-9278
電郵︰