容祖兒、劉德華和陳冠希（Edison）昨早到海洋公園出席「第八屆海洋公園鯨豚保護日」，祖兒獲委任為「海洋保育大使」。
據由政府撥款運作的香港教育城網站進行的網上選舉結果顯示，謝霆鋒力壓特首董建華，成為「十大負面人物」的榜首，其老闆楊受成亦名列第五位，而羅文則成為「十大正面人物」的首位。
祖兒對選舉結果頗為驚訝，她說：「霆鋒真係勁過董伯伯呀？我覺得我公司（英皇娛樂）比較易惹呢啲嘢，我公司可以話係亂世中嘅小草，雖然外表柔弱，但係就不屈不撓咁成長。不過霆鋒本身心地好好，而楊生作為老闆，所以好多責任都會歸咎於佢。」
而Edison表示這些選舉十分無聊，且對當事人不公平，他說：「我以為自己會係第一位㖭，好多人都唔識佢哋，所以咁樣去評價一個人好唔公平。」
