麥浚龍（Juno）、方力申及鄧健泓等，昨天在沙田出席《壹本便利》所舉行的「慈善Tee義賣」活動，三人分別向現場觀眾募捐及即場做「蠟燭手模型」，其中以Juno的女歌迷最「大手筆」，捐出八百港元。
昨日公布的「十大負面人物」網上調查中，Juno進佔第七位，對此他說：「估唔到，有啲嚇親㖭，實在太誇獎我喇！我出道日子短，過去負面新聞我覺得影響唔係咁大。」至於有傳他免費唱廣告歌搶關心妍飯碗，Juno說：「我哋好似負責唔同型號喎。」
此外，方力申表示由他親手繪畫的T恤曾令他大傷腦筋，方力申說：「我諗咗三日先畫到，我以前美勞成績得D，所以呢件衫啲公仔以『概念』為主。」