香港電台電視部製作的《執法群英》，將於本周五晚上七時在無綫播出，該劇分作八個單元，包括譚俊彥與梁琤主演的《千鈞一髮》、方中信與蘇志威的《敵對邊緣》和張燊悅的《不脫校服的女孩》等等。
是次港台得到警方全力協助，在拍攝該劇之前，港台便安排演員到警員受訓場地一起練習，使演員更容易投入角色。
《執法群英》監製施潔玲昨在電話中說：「好似譚俊彥同張燊悅咁，佢哋拍攝前要接受射擊訓練，同警察一齊練槍，張燊悅練完之後話，個槍袋好重，孭槍袋都孭到佢瘀晒。其實，警方除咗借出場地畀演員練習之外，重有真警員參與拍攝，而我哋所有故事都係依據真實個案改編，好似第一集講述葉繼歡嘅《千鈞一髮》，我哋會真實咁反映當時警員嘅心情，而唔會為咗豐富故事內容而加插其他情節，令到內容誇張失實。」