【記者張止寒、徐雲庭報道】「神童輝」羅兆輝拍檔兼二十多年好友、上市公司「金匡」副主席章桂新（Roger），疑因在內地投資酒店失利，累及合資友人損失慘重深感歉疚，前日在馬鞍山郊野公園客貨車上燒炭自殺獲救後，昨日情況好轉，可以離開深切治療部，轉到普通病房繼續接受治療。
而對於Roger燒炭，羅兆輝表示對方「儍」。
章妻昨整日陪伴丈夫身旁，她表示丈夫精神不錯並可以進食，但心情仍未平復，除她外不想見其他人。而由於丈夫將手機關掉不欲被人騷擾，故無法知悉羅兆輝有否致電丈夫問候，她亦未有向丈夫了解輕生原因，怕影響他復原情況，而昨日未見有金匡高層人員到醫院探望章桂新。
對於Roger尋死，羅兆輝昨日接受本報訪問時表示，因Roger改了電話號碼，自己又沒有Roger太太的電話，所以未能聯絡上對方。
問羅兆輝可知Roger投資內地酒店，羅兆輝說：「我一早叫佢唔好，佢又唔聽我講。」至於Roger自殺的原因，他說：「我都唔知佢發生乜事，之前我一直有同佢講電話㗎，佢都冇同我講。」
問Roger是否他最好的朋友，羅兆輝說：「我咁多好朋友咁點計呀，識咗二十幾年又點嘛，不過，佢都算係好朋友嘅。」
至於Roger曾替一名沙煲兄弟「孭數」，羅兆輝稱沒有聽聞，他說：「應該冇理由喎，佢又冇咁嘅能力，雖然我唔知佢經濟有問題，但都知佢冇乜錢。」