噚晚香港會名人雲集，都係為咗慶祝聖士提反書院百周年紀念，好多知名校友都有到，包括特首細佬董建成、錢果豐同吳光正夫婦，重有蕭芳芳丈夫張正甫都係舊生之一。
董建成同吳光正都承認，讀書時自己好曳，成日上演「逃學威龍」，不過一講到細節，吳光正把口鬼咁密。反而五七年至五九年入讀聖士提反嘅董建成，就健談得多，身為百周年籌委會主席嘅董建成話當年中二、中三寄宿時，成日爬窗去宿舍旁邊嘅沙灘玩，俾舍監捉到就會罰周末冇得返屋企。
最近佢阿哥有冇同佢訴苦，話特首份工好難撈？董建成笑住話：「我夠做得辛苦咯！」
傳真︰2623-9278
電郵︰