一年一度嘅日本東京改裝車展（TokyoAutoSalon），今屆形式好唔同，皆因有唔少大車廠聯同各家汽車改裝公司，替旗下車系研製出多款改裝新車，令人耳目一新之餘，有大廠協力推動，會場氣氛明顯熱鬧好多㗎！唔好講咁多，不如大家一齊嚟睇吓有乜啱心水啦！
記者、攝影：陳偉林
仍未正式登場嘅日本版VitzTurbo，廠方經已安排有Modellista包圍，而TRD則負責引擎底盤強化改裝，意味着原有StarletTurbo嘅再生。
除街版之外，廠方又研製出另一款配備恒式四驅嘅WRC戰車，賣相又見討好吸引，車尾重好有雷諾ClioV6嘅味道。
將會係本田Stream勁敵嘅Wish，未面世廠方經已聯合各大汽車改裝商，替其粉飾包裝，相信遲吓當Wish推出時氣勢會更盛。
日常代步嘅CityRV，增添上TRD嘅全套改裝部件，又豈止講求實用性咁簡單呢！
剛面世不久嘅新版Prado，有越野改裝專家Jaos嘅協助下，一部切合日常需要嘅CitySUV，相信最為車迷受落。
咪以為Corolla車系中嘅Runx，不過係日常代步車，皆因有TRD嘅技術協助，因而製造到呢部新款WRC戰駒。
惡形惡相
經由獨立改裝商Damd重新包裝嘅日本版Fit，富壓迫感嘅鬼面罩，匹配頗有神氣嘅大燈，可謂辣味盡現。
全車經原廠Modulo度身訂做包圍，閃耀嘅Metalic光彩，令車子倍見有High-tech味。
呢部七人車原身設計年輕化，加配上Value出品，好有TouringCar賽戰車嘅風采。
響本田攤位中，最矚目莫過於呢部經由Mugen（無限）改裝嘅全新AccordEuro-R，唔單止樣靚有霸氣，引擎及底盤強化改裝重教人歎為觀止。
全新萬事得RX-8仍未正式推出，惟廠方經已替其設計出全新外觀，呢個包裝要看來前衞富High-tech味，極具有一份吸引力。
無人不曉得嘅轉子引擎，去到呢一代以RX-8作延續，形象一新富創意，相信遲吓正式引入香港的話，又會再一次風靡萬千車迷呢！
雖然屬ASpec規格只係略加改裝而已，惟看來日本版嘅新Demio，要來得跑意盎然呢！
東瀛車迷喜歡參與OneMakeRacing車賽，而大發亦開發出呢部硬頂版小跑車，並備有各種裝備配件㗎！
呢部新一代K-Car開篷跑車，廠方重備有一系列改裝件，以供不同口味人士改裝，予人有煥然一新之感㗎！