正所謂有頭髮邊個想做瘌痢呀，其實好多日本水着女星都唔甘心單靠身材搵食，好似已經宣布咗加入樂壇，要從良做歌手嘅巨胸女星MEGUMI咁，最近即刻執靚自己，重扮時裝專家，教男仔去rave之前點樣幫自己嘅女友扮靚靚。
MEGUMI最近幫日本出名板仔HipHop潮流雜誌《warp》做模特兒，齋睇佢個樣，已經令我大口羅拉眼前一亮，經過化妝同埋改變過髮型之後，MEGUMI已經唔係以前個冬菇頭少女，睇落成熟咗又野性咗，更加引死男人！
而MEGUMI為雜誌所影嘅四個唔同造型，全部都係佢自己精挑細選，佢着嘅衫主要係EMERALDEMILAND嘅出品，呢個設計師喺日本十分出名，佢專門設計一啲適合reggaedancer同dancehall嘅服裝，充滿牙買加feel，所以sexy之餘又充滿迷彩嘅感覺，而MEGUMI為咗做到十全十美，重出動埋私伙首飾㖭！