701收料站:漢登潛在沽壓大

701收料站:漢登潛在沽壓大

昨日失驚無神接到ABC電話,一個唔識中文但又鍾意炒股仔嘅竹升仔。小初見到佢都落場炒股,心中當堂打個突,通常佢出現個市就跟住散。聽完佢所炒嘅股,就更加唔開胃,原來佢個經紀推介漢登控股(448),話有波幅好易炒。
漢登改名前叫做雅佳,因為債務重組被YGM貿易(375)借殼成功分拆上市,剛剛復咗牌兩日。隻股第1日收1.7仙,噚日升17.65%,收2仙。
唉!叫得做債務重組,債權人一定收咗唔少新股作抵債之用,佢哋為咗套現,有乜理由會唔將股份沽出?漢登復牌兩日,成交股數加埋都唔夠15億股,好肯定債權人未沽完貨,除咗新大股東同債權人外,其他人如舊股東及財務顧問等都有貨在手,潛在沽壓好大。
此外,因債務重組而發行嘅新股,係以每股1仙發出去,以現價計,接貨者真係賺到笑,有乜理由唔沽貨。因此,隻股現階段實在不宜沾手。
慕容小初