今年元旦夜，正當家家戶戶都在熱烈慶祝的時候，四十二歲的劉健東卻拋下妻兒，走到寓所鄰座大廈縱身躍下，在新年的第一天結束自己的性命。遺下的孤寡四口往後生活無着，頓陷困境。
在一月一日晚上，劉家五口一如以往圍桌晚膳，阿東依舊沉默寡言，整頓晚飯沒因新的一年來臨而添上絲毫歡樂的節日氣氛。吃過晚飯後，阿東對妻子說：「我出去行吓。」劉太不以為意，惟未幾她卻接獲警方通知，其夫走到隔鄰大廈十四樓跳樓身亡。
「我都睇唔出佢嗰晚有乜特別唔妥，點估得到佢會走去跳樓。我去到醫院時，佢已經斷咗氣，一句說話都冇留低。」三十四歲的劉太掩面痛哭，九歲次子華仔見狀乖巧地遞上紙巾給母親拭淚。
「爸爸以前好少帶我哋出去玩㗎，不過早幾日就突然間同我哋去嘉年華同埋公園玩，佢都表現得好開心。雖然爸爸平時冇乜同我哋傾偈，不過佢好錫我哋㗎。」就讀小四的華仔說。
劉太向記者表示，她與丈夫十多年前在內地結婚，育有兩女一子，現年分別八歲、九歲及十一歲。其夫原職水喉技工，月入數千元，勉強應付生計。惟自一年前阿東失業後，家庭經濟壓力洶湧而至，壓得夫婦倆透不過氣來。月前劉家雖已獲社會福利署發放綜援金，然而他們早已債台高築，並非一時三刻可以解決，劉太更因難抵生活壓力患上精神抑鬱，現需定期覆診及服藥。
「佢都有同我講過話欠親戚朋友幾萬蚊，𠵱家佢就咁走咗去，剩低我同幾個仔女真係好淒涼，佢哋三姊弟呢幾日成日喊，話爸爸丟低佢哋唔理，唔知點生活落去。」劉太說。
社會福利署已發放約一萬元殮葬津貼予劉太辦理亡夫的身後事，尚欠七千元，劉太實在無力繳付。
「𠵱家我哋都要好慳好慳，真係可以講麵包都唔敢買多一個，幾條青菜就當一餐，重邊有錢剩。」面色蒼白的劉太說。蘋果日報慈善基金了解一家的困境後，即時從「殮葬專戶」撥款七千元，助她繳付不足之差額。
捐款編號：C0789
暖流熱線
電話：29908688
傳真：23702192
電郵：
網址：