點解要山長水遠去到西貢買家具，售價唔平，店舖又唔係多，最重要係，檔檔都賣同一類型──仿明式家具，孰真孰假，只靠店長解釋，信不信由你！奇就奇在，真有人山長水遠入去買張床，買個櫃，然後走人，問他有何心得，答：「無㗎，入開嚟食海鮮，見到啱就買囉，價錢係貴啲，咁先係堅！」不如你都試吓，憑個「信」字，走去買件仿古家具！
記者：梁佩芬
攝影：陳盛臣、梁細權、陳智良
ImageGirl：Vicki
香港所賣的仿古家具可分兩類，一是歷史古物，多從中國鄉村搜尋回來，再翻新出售，售價可高達數萬元一件；另一類是依照古代家具訂做，可自行選擇木料、顏色及大小，一萬蚊以下有交易，需時約45天。而有規模的家具店，通常都有上門維修服務。
可作單人床或梳化之用，17世紀的設計，看上去與現代家具無異。全床用入榫形式裝嵌，可以拆開以便入屋。床頂通花，花紋是一朵海棠花，有富貴的意思。而床身用繩綁着一張竹蓆，夏天坐落一定透氣無比，奇怪是十度氣溫下，坐下亦沒有清涼感覺，還帶點暖意。（a）
鄉村古物
榆木製造，有兩層櫃桶，內櫳再用棉布墊底；鏡面沒有古舊的發黑痕迹，是從中國浙江的農村中帶回來。櫃桶以蓮花做圖案，有吉祥如意的意思。
有二百年歷史的藥店天秤及錢箱，法碼還在，不過鐵力木開始有少少發霉，但反而添了幾分古樸風味。（b）
一百年前的象牙麻雀，字型還清楚可見，不過較細隻，恍如日本麻雀。而盒是新做的，選取無味的花梨木。（b）
一見安樂椅，Vicki急不及待就坐上去係咁搖，愈坐愈爽，影完相都唔想走，說：「木腳夠穩陣，有安全感，唔似竹椅咁，慌住會跌，用得耐啲竹條重會飛起晒拮手。而坐位用蓆做，感覺柔軟，好似坐梳化咁舒服。」安樂椅用榆木製造，屬1920年款式。（b）
榆木的優點是比較直身及闊大，適合做櫃及枱，而本身是白色，可以後期加工作多種類顏色，如這款茶啡色是其他木料做不到的。枱面有深刻的木紋，就算有塵埃，用水一抹便乾淨。枱櫈的設計帶有歐陸農村風味，摸落嚡手，線條粗獷，較有現代感，是年輕人受落的古老氣質。（a）
十二太保
電話：27915886
地址：福民路西貢苑49號地下
拾趣樓
電話：27915887
地址：福民路西貢苑53-54號舖
西貢的唯一
最近有個印度整餅師傅入駐西貢，即叫即「飛」印度餅，有分比較油膩細塊的葱油餅及乾身大塊的薄餅，全部$18三件，可以外賣及堂食。不過新年開始，師傅返了印度，要到月底才可見其飛餅功夫。
汶記泰國菜館
地址：萬年街65-67號地下（27919220）
Alex是中醫學生，未滿師就出嚟搵食，Booking重日日爆滿，無他嘅，手勢正宗、足晒一粒鐘、環境清幽……不少人遠道從港島而來，都係為舒服一個鐘。按腳$120/小時，全身$180/小時。
足健之家
地址：灣景街14號1樓（27922743）
大大幅、七彩繽粉的厚身地氈，全由傳統手織機織造，是老闆Joyce專誠從雲南購買回來，價錢由$158-$300。更特別是，她可以上門為你做獨一無二的咕𠱸套、床笠及梳化套，價錢面議。
AmazingInspirationWorkshop
地址：西貢大廈19號地下（27927177）
西貢外國人多，佢哋又好鍾意睇書，周時攞自己啲書到二手店寄賣或交換。店內99%係英文書，不少是鬼佬從老家搬來交換，很難在香港找到。更有近九成新的VCD及CD出售。
FlowBookshop
地址：灣景街16號1樓（82076828）
兩個浸會大學傳理系學生，暑假在西藏遊歷一個月，拍下數千幅照片，一連三個月在這裏展覽。照片質素不俗，更重要是背後所傳播的訊息，不多講，自己看！
LivingSpace
地址：福民路25號地下（27916663）