阿董今年發表施政報告，唔敢直接面對群眾，怕俾人篤口篤鼻指住嚟砌冇面，其實內心深處，不知幾咁渴望聽到掌聲，噚日佢出席四大商會午餐會，一個小插曲就將佢嘅心事表露無遺。
話說阿董演講時答台下發問，有人問到係咪真係加稅，佢答咗一大輪簡單稅制點好點好，跟住講到銷售稅，佢用肯定嘅語氣話，呢樣嘢唔會發生。此時台下有人拍咗一下掌，但冇其他人和應，阿董竟然舉起雙手，叫咗一聲，台下聽眾先如夢初醒，紛紛拍掌，於是上演咗一幕「特首指揮商界鼓掌」嘅趣劇。
唔鍾意聽挖苦，喜歡人拍掌，其實都係人之常情，不過阿董要靠出手指揮先得到掌聲，睇嚟對於救港良方已經技窮。
傳真︰2623-9278
電郵︰