原來三十六萬蚊人民幣，不單止能夠享受一頓豐富嘅滿漢全席，重可以買起成間飯莊。呢幾日八方講過一位廣東企業家喺北京頤和園聽驪館西安分店大宴港商，三十六萬八包起一席「天價宴」，係人聽到都會戥個飯莊老闆高興，羨煞旁人。
但係地球上有句醒世名言叫做「物極必反」。
原來三十六萬一餐飯呢個消息喺具有資本主義特色嘅社會主義祖國大地傳開之後，群情洶湧，互聯網上嚴斥奢侈作風，稅務部門上門收貢，重有好多嘍囉白撞問飯莊討便宜，搞到老闆吳際開記者會話要走佬。呢勻吳際兄真係唔多「過制」啦。
傳真︰2623-9278
電郵︰