成日俾人傳不和嘅Morning娘，成日互相挑剔，好似前幾日大家姐安倍夏美喺佢哋嘅電視節目《Hello!Morning》度話：「我哋隊規好嚴，邊個遲到五分鐘就要逐一向隊員道歉啦！」 班晨女重即場玩咗個遊戲，話等大家知道邊個最冇時間觀念喎。玩法就係每人揸住個秒表，合埋雙眼數十秒鬥準。咁就可以屈人係遲到王，兒戲咗啲喎！