武俠小說大師金庸搞搞新意思，改寫部份作品，大師閉關大半年，又有「新作」面世。內地傳媒《北京晨報》噚日報道，查大俠兩部改動得比較多嘅作品《書劍恩仇錄》同《碧血劍》已經大功告成。
《書劍》結局會增加一節「情歸何處」，描述陳家洛對香香公主嘅死非常自責；而喺《碧血劍》入面，袁承志就由用情專一變得搖擺不定，新版本入面，阿九唔會落髮為尼。據報查大俠覺得自己呢部份改動最好，認為係處理感情嘅一大進步。
除咗改寫主角感情生活，對一啲涉及歷史嘅情節，亦加添咗「民族大義」，好似袁承志會繼承父親精神，成立「金蛇王營」，同時會減少一啲神神怪怪情節。查大俠認為呢啲係合適改動，讀者點睇，就係未知之數。
傳真︰2623-9278
電郵︰