短短的一條羅素街,無懼面對時代廣場,近日亦開了一些特色新店。像玩神秘靈異的塔羅占卜,還有專賣來自廣州的簡體字書店。但講到最吸引人的,莫過於某樓上店,以低至二折價發售名牌貨!
行開羅素街,不得不上來走一轉。事關店舖正進行大特賣,一眾名牌,如Prada、MiuMiu、Gucci、D&G、YSL、MarcJacobs等,閒閒哋都以半價發售,部份貨品更低至二折!大部份款式都是02冬季款,抵買到暈!即使是最新貨,這裏也會以85折出售,比一般街價抵買。
MJ屬較新名牌,價錢一向高企,難得這裏以二折價售賣CardHolder。有4種顏色任揀。(原價$1,380,特價$276)
這個YSL羊皮袋最特別之處是那個牛角袋柄,而YSL新一季設計都仍有採用牛角柄。故現以4折價買到,真係抵到爛!(原價$11,500,特價$4,600)
名牌子除咗個躲響,實質都幾好着。同一款Prada鞋有黃、啡兩色,及鞋踭位密櫳和扣帶兩種Style,任君選擇。(原價$2,950,特價$1,180)
這種車格仔布的Pattern,MiuMiu由衫到袋都出了一系列,現在這兩個不同Size的CasualWear袋,以幾百蚊的跳樓價就買到,真係去邊度搵?(大:原價$2,200,特價$880;細:原價$2,050,特價$820)
Evelyne
地址:銅鑼灣羅素街38號金朝陽中心10樓
電話:29702231
營業時間:12:00pm-10:00pm
新店速遞
在尖沙嘴百利有一定知名度的TarotReaderKaren,最近轉戰樓上舖,貪其舖租平、地方大、又就腳。Karen解說:「塔羅好似一面鏡,畀你一個啟示,着重分析,唔係批命,最終決定係要靠自己。」除占卜外,這裏兼賣塔羅書籍及水晶,Karen還會開班授徒。
isis
地址:銅鑼灣羅素街50-52號德發大廈2樓B
電話:27362523
營業時間:星期一至五 2:00pm-10:00pm
星期六、日 12:00pm-10:00pm
收費:$268/Reading(約20分鐘,先電話預約時間)
開業不足一個月的「人民書店」,雖在羅素街的樓上,但非常搶眼,五星旗加毛澤東嘜頭,一派鮮紅引你上樓。與店名相符,裏頭賣的書全部來自廣州,清一色大陸簡體書。這裏的書,由包裝到內頁,都與本地及台灣書無異,最重要係價錢夠平!
人民書店
地址:銅鑼灣羅素街18號1樓
電話:28360016
營業時間:11:00am-11:00pm
行波斯富街地舖時,佢只係一條好普通,賣吓手機、電器同食住行嘅正常街道,但呢度嘅上樓舖,卻提倡另一種生活享樂主義;無論你想玩深海歷奇,甚或賞玩中美洲巨蜥和極罕有的藍角蛙,喺呢度都完全滿足到你!
好難想像喺波斯富街上樓舖,竟然有一個熱帶雨林加沙漠嘅混合地帶——國際爬蟲精品店。
負責人Folco自細就迷上了蜥蜴一類爬蟲類動物,由𡃁仔時代擁有第一條綠鬣蜥開始,直到今日擁有一間猶如動物園嘅國際爬蟲精品店;呢度以蜥蜴類為主力,再加上蛙、龜及蛇等多類不同爬蟲類動物!
國際爬蟲精品店
地址:香港銅鑼灣波斯富街57號1樓
電話:22956691
營業時間:1:00pm-10:00pm
喺波街樓上舖,發現呢間有多年歷史嘅「潛水歷險會」,只需$2,999就可以喺香港考得國際認可嘅PADI國際初級潛水員牌照,而且一概潛水器材完全唔使買有得借。
同呢度負責人Stephen細談,知道佢同潛水好似結下不解緣;後生當差嘅10年生涯中,有好一段時間是當水警工作,再加上當了警察潛水會教練,所以亦好順理成章地開了這個潛水歷險會,開班授徒!
潛水歷險會
地址:銅鑼灣波斯富街61號二至五樓
電話:25722138
營業時間:11:00am-9:00pm