啲日本水着女星為博上位，真係乜都敢做，令我大口羅拉佩服得五體投地。
好似日本「巨乳軍團」YellowCab嘅ICup猛將根本春美，佢同啲日本雜誌拍攝嘅寫真愈嚟愈騎呢，今次佢為雜誌《BOMB》玩超人變身，重起咗個朵叫做「爆乳戰士Boinger」，真係笑到人噴飯！
上次我大口羅拉睇見根本春美同MEGUMI班姊妹扮漫畫人物CutieHoney已經笑到碌地，今次春美玩Cosplay就更加落力，佢十足啲日本超人咁由除衫到擺出變身動作逐格俾人睇。佢大騷粉紅色嘅比堅尼之後，就變成紅髮女超人「爆乳戰士Boinger」，必殺技係巨胸放電波，同埋專攻壞人下體，打人絕不手軟。
春美真係癲得好勻稱，佢喺訪問度話：「我係一位孤獨嘅戰士，自己真係好想以呢個look周街走呢！」