政府最近表示要將流浮山改頭換面，興建觀景台、重鋪大街行人路及街燈、建新碼頭及海鮮歷史展覽場所等，「計劃」一大籮，但講到實行當然冇咁快。然而，這個盛產鮮蠔的新界西北區，除了可到滿布蠔味的老店買海味外，還可驅車到白泥捕魚。要一探流浮山，又何須等到政府重建，一於今個星期約埋班Friend，入去兜一轉！
記者：梁佩芬 攝影：陳陶鈞、陳盛臣
模特兒：阿珊、Kennie（KONE）
化妝：CandyChung
生於斯、長於斯的泰婆，是流浮山最早開海味舖的一代。問她開舖多少年，她居然說：「我個孫都二十幾歲，你話幾多年？」答完等於沒答；再問：「多唔多人嚟買蠔豉呀？」她兩眉一皺，說：「行就多，買真係好少！」多口再問句：「你啲蠔點賣？」即笑：「我好頑固㗎，無價講！」即係幾錢？還未問完，正有遊客想買蠔豉，卻嫌二百元一紮太貴，泰婆黑面說：「貴乜呀貴，全流浮山最平最靚係我㗎喇，你唔好後悔返轉頭又嚟過！」客人回價：「一百八十啦？」「唔得，唔買就算！」客人真的走了，泰婆即大叫：「一百七十啦，唔買就算！」哈哈，咁都得！
泰興海味
電話：24721461或24722936
地址：流浮山正大街17號
生蠔即買即開$35/斤
除了蠔豉，大街某角落見到即買即開生蠔，衞生不錯，至少洗過先賣畀你；又有磅睇埋幾重，不怕呃秤。
肉乾香味濃郁$20/半磅
行入流浮山大街便聞到一陣味，以為是海鮮的鹹味，但沿鼻搜索又找不到味道源頭，一路行香味愈來愈濃，行到街尾，終於發現是炭燒豬牛肉乾，婆婆每日站在這裏不停燒，不過生意麻麻。
地址：泰興海味對面
蠔油不鹹不油$17/支（原塘）$25/支（特級）
碩果僅存的即買即裝新鮮蠔油，就算產蠔區流浮山都只此一間。分原塘及特級蠔油兩種，蠔味濃郁，不鹹亦不油，入口還有陣陣鮮甜味，不加防腐劑，夏天開樽後要放入雪櫃待用，冬天涼爽不放亦可。
兩益
電話：24722229
地址：流浮山正街五號
新鮮蜂蜜$60/支
蜂蜜伯伯每日新鮮做蜜糖，連生財工具蜜蜂仔都帶埋出街四處飛。
地址：森記海鮮酒家門口
泊車貼士：各海鮮酒樓都有停車場，通常只要幫襯，都提供免費泊車。
白泥有靚日落之外，還有不少魚塘。魚塘其實一直存在，但以前只是用作養魚售賣為生，近年經濟不景，生意大不如前，私人魚塘便索性轉型為釣魚場，所以魚塘營養充足，還有超過15種魚類供垂釣，有青斑、石蚌、火點、紅鮪、青鱸、包公魚……
鴨仔坑釣魚場
電話：24726134
地址：流浮山下白泥村鴨仔坑
費用：$60/全日（自備魚竿，場內只得十支供應。）
塘邊釣大魚
這裏有三個鹹水及兩個淡水魚塘，最正是可坐艇仔於塘中釣魚，分分鐘有望釣到大魚。
爆釣魚場
電話：91084953
地址：流浮山下白泥村
費用：塘釣$150/全日，最多免費取走兩斤魚穫，須自備魚竿。
駕駛貼士：沿路都有不少住家菜田，又可望到后海灣美景，落車拍攝也不錯。兩個釣魚場都有車位提供。
Facelifted新版豐田Corolla，設備豪華夠齊全，除換裝上全新鬼面罩及尾燈配搭外，另加新增HID頭燈、15吋胎軨、車旁指揮燈連VVT-i徽章及雨滴感應水撥等等，再加上真皮座椅及半皮半桃木軚環，豪華程度絕可媲美中價房車㗎！而一台1.5公升直4DOHCVVT-i引擎，既慳油又好力，難怪會深受用家歡迎啦！
豐田Corolla小檔案
引擎：1497cc直4DOHC
馬力：106ps/6000rpm
扭力：14.8kgm/4200rpm
尺碼：4390×1695×1470mm
軸距：2600mm
新車售價：$139,900（自動波豪華版）
車輛提供：皇冠汽車（24774286）
駕駛路線
1.沿屯門公路往元朗方向，駛至青山公路洪水橋段，見流浮山路牌轉左，直行便是流浮山迴旋處。
2.流浮山停車場旁小路入深灣路，後接稔灣路，約五分鐘到海邊。
3.沿稔灣路一直駛便見鴨仔坑釣魚場。而往爆釣魚場方法有二：一是沿稔灣路見爆釣魚場路牌後轉左，驅車入場內；二是前駛不轉彎，往下白泥村公所門外泊車，沿強記士多旁鐵絲網步行入內，約五分鐘。