劉小慧前晚與丈夫蘇志威、女兒Yumi及母親，結伴出席灣仔電器街家具店「OvoLiving」的開幕禮。日前劉小慧被雜誌拍得往內地登台，報道指她沒有助手，自己包辦化妝及髮型，十分慳家，似為養家重出江湖。
前晚劉小慧對此說：「報道寫到咁負面，我好唔開心。我出番嚟唱歌又唔係賒、又唔係借，有乜嘢問題？咁兩個人搵錢梗係好過一個搵㗎啦，我哋都係為個女將來嘅教育着想啫。」
問劉小慧內地男歌迷反應十分瘋狂，更會毛手毛腳，她說：「呢方面我唔擔心，我識得保護自己，現場又有保安。返內地唱歌酬勞好好，唱一場好過人哋幾個月人工，何樂而不為呢，我一個月都會返去兩至四次登台㗎。」
採訪:林妙萍 攝影:陳慧安