特首宣讀施政報告，八方好似黃宜弘咁，聽到瞌晒眼瞓，睡眼惺忪下睇到老友傳嚟一個喺網上流傳咗好耐嘅笑話，好應景。
話說董太爺同幕僚搭直升機橫過特區上空，佢忽發奇想：「我想喺窗口扔一張一千元落去，讓某個人高興一下。」
「董太爺，咁你做乜唔丟兩張五百元鈔票落去畀兩個人高興呢？」著名嘅律政司司長建議。
經濟局局長接住話：「董太爺，倒不如丟十張一百元鈔票落去啦，咁咪有十個人高興囉！」機師聽完之後，轉身話：「點解你哋唔將董太爺丟出窗外，令六百萬人齊齊高興呢？」
八方睇完之後，當堂笑咗出嚟。老友重話，要趁23條未立法，快啲forward，否則遲啲俾人話煽動呀！
傳真︰2623-9278
電郵︰