張茜現正身在北京忙為新劇開會及宣傳，其男友張衛健（Dicky）則於上海拍劇，二人未能同度新年，但早已交換禮物。
張茜日前接受電話訪問，她表示Dicky在平安夜及元旦都有致電給她。她說：「大家都要工作，冇辦法啦。我哋今年好早已經準備咗禮物，送乜就唔講得，總之有心意囉。」
Dicky向來口齒伶俐，他有否以甜言蜜語向女友賀新年？張茜說：「佢唔會成日講嘢𠱁我㗎，佢送禮物畀我都係粗聲粗氣咁話：『攞去啦，畀你㗎，我愛你呀。』全部都好唔正經咁講嘅。」
張茜又透露她有自畫賀卡送給朋友的習慣，但卻沒有送給Dicky，她說：「我好鍾意畫畫，佢屋企都擺咗一幅我畫嘅畫㗎。」張茜下月會與Dicky到法國探望胞姊，之後便要返北京拍攝新劇。
採訪：蔡如玉