堪輿學家蘇民峰現時居於佐敦，前年年尾他以超值價五百萬，在汀九買了一幢四千多呎的別墅，未入過屋已落定，十分之豪。日前蘇民峰到別墅等家具時，發現房內有老鼠屎還有貓腳印，於是即時動手清潔。
蘇民峰這間大部份香港人的dreamhouse，動工裝修至今足足一年有多，仍然未能入住。原因是大屋曾丟空十年，十分殘舊，整間屋要重新裝修，連電線和屋外的路都要重鋪，加上裝修進度未如理想，所以打破了蘇民峰本來於去年尾入住的美夢。
蘇民峰日前和女友Lilian齊齊去大屋等家具送貨，記者亦有幸先睹為快。在工人送床前，蘇民峰發現房內有老鼠屎還有貓腳印，於是即時動手清潔。蘇民峰說：「買呢間屋真係機緣巧合，有一次我入嚟呢頭睇風水，覺得幾鍾意，於是睇過一啲新盤，但係覺得價錢貴地方又細。之後個經紀call我，話有呢間大屋放盤，我即晚過嚟睇屋，但係連門口都冇入過就決定買，明知十年冇住人，裏面一定好恐怖，都費事入去睇。」
這間大屋售價只是五百萬，抵買之餘，亦是有錢都未必買到，因為鄰近的大屋都沒有放盤。蘇民峰說：「我諗住四十五歲退休之後就長住呢度，重有三年，所以呢三年要努力搵多啲錢。」這三年內，蘇民峰只會放假才到大屋度假，他說：「或者到時搬咗入嚟長住，都可以繼續幫人睇相，但就要入嚟先有得睇，可能啲客重鍾意，覺得咁先係世外高人吖嘛！」
