香港財赤超過七百億，連特首董建華都話冇靈丹妙藥，唔少港人自然期望中央出手幫忙。正喺澳門考察訪問嘅全國政協主席李瑞環噚日朝早參觀大三巴牌坊，俾記者問到解決香港財赤問題時，李瑞環竟然咁答話「我自己不是神仙」，莫非佢暗示香港今次真係神仙難救？
李瑞環又話，自己冇研究香港財赤，無發言權，香港好多人正研究有關問題，相信香港人可以自行解決問題。最後佢只係象徵式講番句鼓勵說話：「希望香港愈來愈好！」聽完李瑞環咁講，相信大家要有心理準備，香港可能真係要等神仙打救，更難頂係李瑞環對住大眾大讚何厚鏵「你們特首有本事！」叫澳門人可「安心睡覺」；咁香港人瞓唔瞓得着呢？
傳真︰2623-9278
電郵︰