公務員呢排都幾頭痕，擔心裁員減薪之餘，重要俾港區人大劉佩瓊窒住，話有高級公務員聽到要返大陸做嘢，就驚到瀨尿。
話說昨日中央政策組搞咗個珠三角論壇，廣東省人民政府發展研究中心副主任王利文話，粵港兩地官員溝通不足兼唔夠主動。劉人大即時爆料，話有個高官聽到話要返大陸，就驚到瀨尿。
八方問佢邊個咁大反應，佢話當時係八九年十月，六四事件過咗無耐，個首長級高官話擔心人身安全，唔敢返大陸。佢重話家陣都有好多高官驚咗返大陸做嘢，因為訓練唔夠，除咗普通話之外，最攞命係搵錯對口單位負責人，搞一大餐先至知道嘥氣，又要從頭嚟過。
傳真︰2623-9278
電郵︰