郭羨妮與溫兆倫雖然拍拖至今僅三個月，但二人卻火速發展，郭羨妮不但無視男朋友過去花碌碌的情史，更大讚男友夠真心，且揚言：「佢不但係好情人，重係好老公。」
郭羨妮（Sonija）與溫兆倫因合作拍攝無綫新劇《牛郎織女》而定情，拍拖至今短短三個月，但二人的戀情卻發展迅速，雖還未到談婚論嫁的地步，但男方已拜會過郭媽媽，「未來外母」對溫兆倫更十分鍾愛。
Sonija亦大讚溫兆倫既是好情人，亦會是好老公，看來溫兆倫在郭家的地位已非常穩固。
Sonija日前在中環接受訪問時，力言溫兆倫是個十分疼她的好男友，問到Sonija覺得溫兆倫會否是個好老公時，她毫不考慮地說：「佢係好老公，完全唔需要考慮呀！」
對男友投下信心一票的她，又會否與溫兆倫閃電結婚？Sonija笑道：「又冇諗得咁快，我都未見過佢屋企人，只係同佢屋企人通過電話。佢有見過我媽咪，媽咪覺得佢好好，好鍾意佢，佢係攞個真心出嚟對人嘅，唔只對我好，對我身邊啲人都好，愛屋及烏，我媽咪都睇得出。」
不過，溫兆倫過去的情史可謂十分「輝煌」，一度結過婚又離婚收場，亦曾先後與李麗蕊、何美婷、陳明君、任職唱片公司的前女友Winnie及內地女演員苗紅拍拖。
但Sonija卻強調不會理會男友的過去，更不想聽任何閒言。
Sonija說：「我唔會理，有太多人講太多嘢，我會用自己對眼去睇，如果只係聽啲新聞就信嘅話，啲人夠會以為我係衰人啦。其實我同佢喺某個程度上都幾似，大家都慘㗎，係一啲新聞嘅受害者，算係某啲新聞下嘅天涯淪落人，但大家相處咁耐，知對方係點嘅，唔需要聽咁多呀，兩個人嘅嘢，第三者唔使畀任何評語。」
對自己信心十足的Sonija，還表示不介意男友拍戲時與其他女演員上演親熱鏡頭，她說：「唔會有乜問題呀，大家明嘅，佢係真心真意對我一個，我唔會話見佢同啲女演員坐埋一張枱就嬲嘅。」
採訪：朱芷瑩 攝影：陳志嵐
化妝：Janet 髮型：Karen（O4）
服裝提供：SistyrMoon 場地提供：Indochine1929
