又食私房菜？厭啦吓嘩?!
野味私房菜加杭州菜又如何？
在市面上的私房菜甚少有野味食，一來野味難烹調，二來杭州菜未必夠正宗夠地道；杭州與上海相距不遠，這裏的老闆及大廚都是上海自家人，在同聲同氣下合作無間經營地道風味杭州小菜館，他們的親切殷勤，必令大家有樂而忘返感覺。
記者：陳冰麗 攝影：陳穎
逢星期一至五刊出
這間野味私房菜真係幾難搵，如果沒有熟人帶，又點知隱藏在一棟高樓的寫字樓區之上。難怪老闆之一Flora都話開業頭一個月沒有客人上門，她非常擔心不知如何維持下去。最後都要親自出馬，連同女兒到中環街上派傳單，足足連續企街兩星期。
Flora講述頭兩個月難熬的那段日子，她覺得：
「咁大個女都未試過周街派傳單，記得當時足足企咗大半個鐘都無人肯接我手上嘅傳單，有一啲人接咗睇都唔睇就隨手拋入垃圾桶，眼見就好似自己嘅尊嚴亦被拋入垃圾桶一樣，嗰一刻嘅心情都幾難受，家陣至明白到平時見人派傳單，自己接手後即扔入垃圾桶原來係會令到人咁難受嘅。」
幸好辛苦沒有白費，Flora表示派傳單雖然有失尊嚴，但的確奏效，兩個月後，生意總算有起色，慕名而至的食客愈來愈多。當中包括有中環上班一族的OL、三五成群的生意客，其餘還有名人、高官。據Flora透露，胡慧中亦是這裏的常客，每星期幾乎到訪一次。採訪當日更遇上Flora口中七十年代邵氏紅人影星李麗華，我還懵然不知。
Flora及滕師傅原籍上海，Flora來港超過十三年，講得一口流利廣東話，專責樓面及行政事務。至於現年三十三歲的同鄉滕師傅，十七歲於上海學師做廚，二十四歲透過做廚的朋友介紹，申請來港，到過「上海飯店」、「張生記」做過，入廚經驗逾十五年。紅燒，燜煮野味是滕師傅的強項之一，他見天氣寒冷，推出野味是切合時令的選擇。
試想像在十度的天氣之下，一煲熱辣辣的野兔煲肯定暖過着羽絨，這煲野味是大廚滕師傅精心炮製之作。材料用了新鮮的野兔肉，再加上配料如黃酒、花雕、豆瓣醬、八角、丁香、桂皮等多種香料去燜煮，這些配料令肉質更添鮮香，師傅重笑說話男士尤其啱食，具滋陰壯陽功效。
上海菜與杭州菜略有少許分別，滕師傅一針見血指出：
「上海菜會較濃味及略為油膩，相反杭州菜味道較清淡，即使同樣嘅東坡肉，杭州做法會無咁甜，清爽一啲，味道都有分別㗎！」
另一遠近馳名的杭州小吃要算是「葱油海蜇頭」，其中的海蜇頭，香港絕少見到，食落較爽脆，還帶有些微海鮮的鮮味，拌以少許麻油、鹽、葱，即成一款美味小吃，杭州人最鍾意用作佐酒。見到滕師傅滔滔不絕的談煮菜，在旁的Flora則笑而不語，兩位拍檔那麼有默契，相信她們的生意很快有成果，到時Flora肯定不用再上街派傳單。
還以為野兔肉會嚡口非常，勢估唔到味道原來是如此鮮甜，肉質又相當嫩口。經滕師傅用了黃酒、花雕、豆瓣醬、八角、丁香、桂皮等多種香料去燜煮後，鮮甜的肉質更添鮮香。滕師傅話較啱男士食，因為可以滋陰壯陽。
馬蘭頭、虎皮椒均來自杭州，前者以清炒最能食到其原味，清爽，有種獨特清香味。虎皮椒爽脆，帶微辣，杭州人喜將其配以四季豆同炒，有助辟除四季豆菜青味。
足夠四至六人享用，用的是豬大髀連骨節位部份，滕師傅揀呢部份肉質因為連有筋絡燜煮後零舍香及爽滑，食落口又不覺太膩，味道鹹甜適中，汁撈飯正。
來自杭州的海蜇頭表皮帶花紋，食入口更為爽脆，帶些微的鹹海水味，鮮味十足，拌以葱油鹽即成一道簡單而又惹味的佐酒小食。
地址：中環花園道51號科達中心7樓
電話：25233766
營業時間：11:30am?:00pm，5:30pm?1:00pm
座位：120個 付款方法：現金或信用卡