八方噚日睇到一則訃聞，原來上市公司九龍建業主席柯為湘嘅父親柯岳峰老先生，於周一在養和醫院辭世，積閏享壽八十一歲，今天在香港殯儀館設靈，明日大殮，遺體將運回澳門安葬。據訃聞得知，柯老先生共有三子三女，柯為湘排行第二。
柯為湘向有「澳門李嘉誠」之稱，但為人低調，而且喜歡獨來獨往，又不肯拍照，若非前年底收購九龍建業，吸引傳媒追訪，相信不會有太多人認識柯氏家族。柯氏活躍於澳門商界，尤其於澳門北區、拱北關口一帶嘅土地差不多均屬柯氏所有，故有「澳門李嘉誠」之稱。
八方曾與柯氏共膳，提及佢嘅稱號時，佢笑言這外號相信與大家同為潮安人有關。佢在香港同樣有不少土地，包括九龍城「食為先」酒家地皮，以及元朗唐人新村農地。
（圖）柯為湘與李嘉誠同為潮安人。
傳真︰2623-9278
電郵︰