銅鑼灣，無論走到哪裏都是人！想在這裏找個地方休息一下，只想暫時看不到人潮真的幾難！不過，當我發覺在這間店找到一刻的清靜，原來又是另一種味道！
入門口就會被一部部的等離子大電視所吸引，電視上播的是流行音樂特輯或演唱會片段，但是再走入去，差點以為去到日本的咖啡廳，另一邊更有一系列的弧形梳化，好像包廂一樣，空間夠晒三五知己一齊閒聊。
食物方面以日式料理及和式西餐為主，必試有炸芝士火腿三文治、日式吉列咖喱豬扒，又或者是炭燒原隻墨魚定食等等。飲品的選擇都頗多，咖啡不在話下，另有其他鮮果汁等等。推介這裏的意大利鮮奶咖啡，入口很香滑，行街行到無力，唞一唞飲杯咖啡即刻醒晒！
記者：陳冰麗 攝影：陳穎
常見炸麵包，炸三文治還是較罕有，三文治中夾入軟芝士及火腿，再蘸上蛋漿放滾油內炸，比焗更為香脆可口，大啖咬入口，半溶化的芝士滲入口腔內，令胃口大增，不過小心燙口。
「楓葉」有三種不同辣度咖喱，包括泰式、馬來西亞及日式風味，分別是勁辣、中辣及少辣。據經理統計所得，最受食客喜愛的竟是呢款日式吉列咖喱豬扒，咖喱有微辣但帶濃香，配以香脆的豬扒，相得益彰。
包括有前菜沙律、原隻6-8安士重的墨魚、飯、麵豉湯、新鮮雜果及茶，價錢相當大眾化。墨魚烹調恰到好處，爽滑而不韌口，最特別個醬汁，甜甜帶微微酒香，惹味非常。
地址：銅鑼灣東角道24-26號怡東商場2樓11號舖
電話：34223812
營業時間：12:00nn-12:00am
付款方法：現金或信用卡