因「以權謀私」而被判入獄嘅立法會前議員程介南，出獄後投身傳媒行列，做《快周刊》BookA，即專講時事財經嗰部份嘅副總編輯。
《快周刊》噚日專登開記者會，總編輯盧瑞盛話阿程過去一年嘅嘢已經係歷史，「我哋向前看！」雖然曾經俾傳媒揭發，但下個月七號人日返工嘅阿程話：「對於新聞自由，傳媒好重要，我唔會對傳媒有負面睇法！」至於會唔會喺份雜誌度寫文章為自己「平反」，佢就好堅決咁話：「我喺赤柱出嚟嘅時候已經都講過，過去嘅嘢唔會再提！」
咁日後若果遇到同類有名人士以權謀私等情況出現時，佢會點處理呢？佢就話：「呢個係假設問題，我𠵱家都重未知自己工作上具體係做乜嘢。」
（圖）阿程加盟《快周刊》，開記者會。
傳真︰2623-9278
電郵︰