如果說石油氣爐是上一代的產品，那麼火水爐則可說是「歷史文物」，不過，礙於經濟問題，陳婆婆一直追不上時代脈搏，家中仍然依靠那古舊的方法煮食。
「老實講，用火水爐煮食真係幾麻煩，吓吓要透爐，又成日要換棉芯，火力亦都唔易控制，但勝在夠平。」陳婆婆一語道破她還守着那個「老古董」的原因。
七十九歲的陳婆婆，丈夫早於二十多年前逝世，她膝下只有一名獨生子，已成家立室，惟自顧不暇。陳婆婆晚年遂靠綜援金生活，並獨居於房屋署轄下的長者單位。
「我本身係一個知足嘅人，本來都冇所求，不過，因為近幾年身體愈來愈差，所以驅使我想換一部電磁爐煮食，希望方便啲、安全啲啫。」陳婆婆四十多歲的時候患上心臟病，曾經接受過「通波仔」的手術；十年前更進行過一次換心瓣的大手術，惟近年身體繼續轉弱，暫時只能靠藥物控制病情。
陳婆婆歎道︰「醫生話我已經係心臟病末期，心導管閉塞，無得做手術，𠵱家惟有食住藥，唔好咁操勞，拖得一日得一日啦。」
為身體着想，陳婆婆希望以後轉用無火煮食，免卻開爐看火的麻煩，「我份綜援金已經唔係好多，如果要使少幾百蚊，攞啲錢去買電磁爐，對我嚟講，都幾吃力。」只花數百元便可幫助一位長者改善生活，你願意伸出援手嗎？
捐款編號︰C0790
暖流熱線
電話：29908688
傳真：23702192
電郵：
網址：