二人男子組合Shine昨日到商台接受訪問，成員黃又南對於近日與Twins兩位成員蔡卓妍（阿Sa）及鍾欣桐（阿嬌）的緋聞，均決絕地表示全部不是事實。
又南說：「我冇做過就係冇做過，但係我日後都唔會為咗呢啲新聞而有所避忌，因為始終都係朋友，所以我都會照常同佢哋講嘢。」
又南亦承認曾與阿嬌通電話，他說：「我有做過就有做，但就唔係成日傾，我新年時都有sendmessage畀佢哋。」
另一方面，阿Sa昨日出席港台記者會時，就被指與又南傾電話一事說：「我已經四十幾個鐘冇瞓啦，而且我日日都要開工，邊有時間傾電話，唔信我可以畀張電話單你哋睇，每個月電話費都唔過一千蚊呀。」
問到阿Sa與又南可有發展機會時，她說：「我同佢係好朋友，呢個圈唔係男就係女，其他年輕人喺出面攬頭攬頸又唔會俾人寫，我同佢只不過sayhi、saybye傾兩句咋。」