許秋怡和王書麒拍拖快七年，去年聖誕夜秋怡發現已懷孕，二人決定提前婚期。不過他們獲悉有BB時一度想墮胎，經身邊朋友勸喻不可以做殺人兇手後，才下決心迎接他們的愛情結晶品。
許秋怡和王書麒今年八月便拍拖七年，面對七年之癢，二人的關係將面對巨大的轉變，因為書麒和秋怡將在羊年榮升爹哋媽咪。秋怡現已懷孕兩個月，預產期是八月。
秋怡和書麒昨日到九龍塘又一城逛街，二人甫從停車場步向商場，便去逛多間嬰兒用品店。現場所見書麒不時輕挽女友秋怡的腰部，在店內他們尤其專注挑選嬰兒的衣服和玩具。逛街後，書麒和秋怡到又一城的大排檔歎茶，書麒更為秋怡叫了鮮奶，莫非秋怡已懷有身孕？記者上前向秋怡求證，她和書麒直認說：「係呀，你哋點知㗎？」
書麒表示其實跟秋怡拍拖多年，二人一直有計劃在這幾年內結婚，現在秋怡懷孕，他們會將結婚計劃提前，書麒說：「我哋今年會結婚，或者先註冊，等BB出咗世滿埋月先一齊擺酒。」
秋怡則表示，去年聖誕到內地登台，平時會請小朋友上台稱呼她契媽，然後大派禮物，可是當晚的小朋友怎樣都不肯叫，秋怡回房用驗孕棒驗孕時發現有孕，秋怡說：「我即時反應係手震，書麒就緊張到嘔吐。」
秋怡和書麒對於突如其來的「聖誕大禮物」，起初顯得手足無措，更曾一度想過墮胎，不過好友如沈殿霞和向海嵐等加以阻止，秋怡說：「佢哋晚晚打畀我話千祈唔好做殺人兇手，肥姐同其他好朋友重話要做BB嘅契媽。我哋商量過覺得情況都容許養育下一代，而且佢點都係生命，所以我哋決定結婚生仔。」
採訪：比華利 攝影：仇志中
