古天樂本周日抽空與六十名Fans舉行燒烤會，不少Fans要求古仔自拍，因為她們認為擁有偶像的自拍照比起合照更珍貴。而古仔平時亦有在自己的網頁寫周記，以便Fans知道自己的行蹤。
古天樂成立了歌影迷會後，每年他都會定時跟歌迷聯歡，本周日他特別抽空與Fans在西貢舉行新年BBQ派對，由於場地所限，只能在歌影迷會中抽出六十名Fans參加，當古仔到場時，Fans都顯得很雀躍。
Fans除了要求與古仔合照外，他們又將自己的相機交給偶像自拍，希望能擁有古仔自拍的珍貴照片，當日古仔做了「順德人」，幾乎是有求必應，逗得Fans好高興，他說：「唔知點解佢哋個個都叫我自拍，不過既然佢哋有咁嘅要求，我咪滿足吓佢哋，平時我工作忙，要同Fans見面唔係咁容易，所以我喺自己官方網頁有寫周記，如果Fans想知我每個禮拜有乜嘢發生，又或者對某啲新聞有乜回應，基本上上我個網頁都可以睇到。」
遷入京士柏山後，古仔說：「爹哋同媽咪都住得好開心，不過我成日要出去做嘢，我怕爹哋悶，所以諗住裝有線，等佢睇電視時有更多選擇，因為佢鍾意睇戲，咁有線電影台就啱晒佢，不過京士柏本身冇裝有線，我要搵人嚟屋企裝隻鑊先得。」
採訪、攝影：馮美茵
