人怕出名豬怕肥，因為三十六萬元人民幣滿漢全席豪宴而一夜成名，位於西安嘅飯店，竟然並未因此而客似雲來，反而生意跌到最低點。
點解好哋哋搞成咁？原來啲食客以為間飯店係嗰種閒閒哋都要食幾萬蚊嘅「謀人寺」，所以咪唔敢入去囉。生意冷清清，但就吸引大群記者蜂擁而至，飯店董事長吳際重因為咁要走路避開，只留低一名負責人去打發啲記者。
𠵱家單新聞唔單止吸引傳媒爭相報道，國內嘅稅務部門亦都好英明咁，昅實間飯店，以防佢一時大意，報漏呢餐飯。根據內地嘅稅率，餐飲營業要抽百分之五點五嘅稅。
八方計過，呢餐滿漢全席，店主要畀二萬零十三蚊嘅人民幣嘅稅。
（圖）西安一家飯店出咗名之後，反而變得冷清。
傳真︰2623-9278
電郵︰