葉澍堃馬時亨共度情人節 - 李八方

  葉澍堃馬時亨共度情人節 - 李八方

葉澍堃同馬時亨,兩個大纜都扯唔埋嘅男高官,點解會相約共度情人節?媒人可以話係翁以登,因為香港總商會籌辦緊一個「議事論壇系列」,請咗四位問責局長向會員演講,協助會員加深了解問責高官嘅職責,第一炮就係由經濟發展及勞工局局長葉澍堃,及財經事務及庫務局局長馬時亨聯手上場,日子啱啱就係二月十四情人節,房屋及規劃地政局局長孫明揚二月二十一號演講,壓軸則係二月二十四號嘅民政事務局局長何志平。
八方噚日去到香港總商會搞嘅「2002年大專學生商業創意比賽」頒獎禮,多口問總商會中人,點解咁搞鬼,揀正情人節開波,重要搵埋兩位管經濟、財經嘅局長一齊?
總商會方面話唔係特登,只係夾啱兩位局長當日有空檔,八方只能講句兩位局長真係有緣。


傳真︰2623-9278
電郵︰pf_lee@appledaily.com