譚詠麟（阿倫）前晚就余文樂與陳冠希爆粗互罵事件發表意見，他認為兩人身為偶像歌手，應就此事公開道歉，又提議兩人打擂台為仁濟籌款，打一拳籌五元或十元。
余文樂與陳冠希（Edison）日前在《勁歌》頒獎禮後爆粗爭執，譚詠麟當晚在勁歌慶功宴上，曾表示阿樂及Edison要動手，就擺擂台打過，前晚阿倫與李克勤及楊千嬅到清水灣電視城錄影《勁歌金曲》時，亦再次說：「咁鍾意打，不如喺仁濟當晚擺擂台，可以籌款，重可以現場加碼！」
阿倫說：「佢兩個都抵打籮柚，兩個都要公開道歉！第一，身為偶像，唔應該咁嘅；第二，佢兩個要向克勤道歉，克勤等咗十七年先攞到個獎，𠵱家風頭俾佢哋搶晒。」
至於會否替他們擺和頭酒，阿倫說：「點解要勞煩我？後生仔意氣用事，自己搞掂啦，我唔在場但係知道實情，係佢兩個控制唔到情緒，小小嘢都忍唔到。」被問到當年與張國榮會否也有忍不住動手的時刻，阿倫說：「冇，重合作拍《霧之戀》MV㖭。」
昨日阿倫到港台接受訪問，仍提及打擂台一事，他說：「聽講佢哋冇嘢啦，應該攞去做慈善打拳，一拳五皮或者十皮都好！」
此外，Edison昨日在港台回應爭執一事時說：「嗰日紅館條巷好細，我同好多人都有碰撞，不過打交就一定冇，如果我同阿樂有打交嘅話，爭女就一定冇，我都聽唔到有人爆粗。」其後Edison到電視城綵排，提到阿倫的言論時說：「問番佢（阿倫）囉，唔關我事，我同阿樂冇做錯任何嘢，道乜歉？我同阿樂最清楚，佢又唔在場。」問會否介意阿倫之言，Edison說：「笑話都冇所謂，每個人都有自己諗法。件事係傳媒搞出嚟，要道歉就傳媒同克勤道歉啦。」
而Edison父親陳澤民昨晚到灣仔出席公開活動，對於兒子近日的是非衝突，他說：「我未同個仔傾過，不過嗰個余文樂同Edison家姐都話咗係誤會啦，Edison咁大個仔，佢知自己做緊乜，話佢哋爭女係你哋記者要起個頭啫，至於話佢哋講粗口，我喺屋企係永遠唔畀人講粗口嘅，出到外邊就唔知啦。」至於有報道指Edison與張芝拍拖，他說：「黐線，百分之一
