方中信以一百五十萬購下二手法拉利360Modena跑車後，前晚他駕駛新座駕偕女友到九龍城吃火鍋，他透露已訂了一部二百萬的林寶堅尼，將於五月到港，真是名副其實的車癡。
方中信是娛樂圈有名的車癡，而法拉利跑車一直是他的夢想座駕，幾個月前他終於可夢想成真，購買了一部法拉利360Modena，前晚他駕着新跑車與女友莫可欣到九龍城厚福館火鍋店吃晚飯，約十一時許才離開。
現時方中信名下有三部車，一部平治房車是買給女友莫可欣的，另外兩部分別是新歡法拉利和AlfaRomeo房車。昨日方中信接受電話訪問說：「雖然𠵱家我有三部車，但我平時都係揸AlfaRomeo代步，因為部平治畀女友揸，部法拉利其實係買嚟擺，我唔捨得成日揸。不過，我噚晚喺美國登台返嚟，見部車咁耐冇郁過，所以先會揸去食飯，因為呢啲高速引擎嘅車，久唔久就要揸吓先得。呢部法拉利係二手車，我只係用咗百五萬就買到。」
已擁有法拉利跑車的方中信，原來又在外地訂了一部小型林寶堅尼跑車，他說：「部車大約二百萬，預計五月可以到港。買車嘅支出係比較大，我平時冇乜嗜好，係鍾意買車，我買車係分期付款嘅，而每個月除咗供車錢外，其他使落啲車嘅費用，夾埋都要幾萬蚊。」
余文樂與方中信的經理人都是Ba叔，方中信對於余文樂日前與陳冠希發生衝突一事，他說：「二十幾歲𡃁仔，又有邊個唔講粗口呢？呢啲係好小嘅事。」
此外，李燦森前晚與一位女性朋友到厚福館火鍋店吃飯，至八時許步出火鍋店，女伴乘坐李燦森座駕離開。
採訪：比華利攝影：娛樂突發組
