紅雙喜的掌舵人A.K.，意外發現竟是專上學院老師，小個子的她，藉着家人、朋友的幫忙，在短短兩個月裏，腦海中醞釀多時的DreamCafe終於誕生。每天最開心的事情便是看到客人滿意的笑容，最好是一起分享旅遊的趣事。
記者：邵超
攝影：黃子偉、伍慶泉
愛旅遊的A.K.，最初希望做到以旅遊驛站形式，讓客人分享旅遊心得的Cafe，想以「KeeponTraveling」為店名，後來遭友人以主題不夠鮮明反對，應該有多點「驚」「喜」。
「一晚瞓覺，一直諗住要有驚喜，突然想起驚喜唔要驚只要喜，喜事成雙，加上前身『革命咖啡館』留低嗰幅紅牆，夾埋就係紅雙喜。」
一間充滿家庭氣味的DreamCafe，源於A.K.一份愛旅遊的心情：
「嗰年去北非，晨早六點坐長途車入沙漠，到中午十二點仍未見到目的地，嗰時好彷徨，啱啱路旁有一間加油站，當時飲住手上嗰杯以錫杯裝住嘅Latte咖啡，真係覺得好正。其實嗰杯咖啡未必係全世界最好，但最好嘅食物應該包含感覺、當時需要同殷勤嘅款待等因素而決定。所以直到𠵱家，我都係覺得非洲咖啡係最好味嘅。」
A.K.希望紅雙喜能夠由環境、食物，以至員工本身，都能帶給客人開心。但在建立起這間DreamCafe時需要很多時間和精力，學校那邊的工作壓力也很大，A.K.曾想過放棄教書的工作。
「有學生聽到我要辭職，講講吓都喊咗出嚟，我最終都留低，因為真係放唔低班學生，而且校長對我好好，好支持我。」
現在部份學生知道老師開店，就讀「款待課程」的他們，特意跑來跟老師學習。Chris和Maseano是二年班學生，指在這裏學到課本上學不到的經驗，更清楚實際的工作流程，而且老師還會教他們做人的道理。A.K.說：
「𠵱家老師同學生嘅關係已經改變，教學生一半係書本，一半係做人道理，最重要係佢哋懂得分析明白事理。學生嚟到呢度學嘢，佢哋一有錯我就會開聲鬧，唔可以畀佢哋以後再犯錯。」
紅雙喜菜式全部都係以Tapas點心形式推出，細細一碟，可以叫多幾款一齊share。大圓番茄中釀入帶子、冬菇和生番茄，小巧別致。
去西班牙同希臘旅遊時，A.K.先發覺西人都有點心呢類食物。呢款軟厚的意大利包就是其中之一，配上香滑咖喱，不比配薄餅遜色，豆腐浸滿咖喱更有愈食愈想食的衝動。
上海師傅炮製最正宗的無錫骨，油光適量，肉香四溢，咬下去骨肉分離，那滋味一試難忘。
師父醉雞翼$26（下）
不知是否客人都愛淺嘗酒的味道，醉雞翼和醉蝦成為客人最喜愛的菜式之一，得到極好的評價。
紅雙喜
地址：中環士丹頓街48號地下
電話：25491862