楊千嬅昨日與友人在金鐘太古廣場歎茶，被問到余文樂疑與陳冠希爭奪鍾欣桐及《百分百感覺》角色積怨，以致在《勁歌》頒獎禮後台以粗口互罵，千嬅稱她非當事人，不欲多加批評，但卻指男人若在沒有攻擊性之下講粗口，其實很man。
余文樂與陳冠希疑因爭奪Twins的鍾欣桐（阿嬌）及電影《百分百感覺》角色，積怨日深，兩人日前在《勁歌》頒獎禮在後台爆粗互罵。楊千嬅昨日與友人在金鐘太古廣場歎茶，被問到對此事的看法時，她說：「我唔係當事人，唔想批評咁多。我自己就同陳冠希熟啲，不過咁耐都未聽過佢講粗口。我諗兩個小朋友係言語上有啲誤會啫，希望佢哋小事化無啦。」
千嬅續說：「其實男人有邊個唔講粗口㗎？我哋基本上都係活喺粗口嘅世界，好似一上的士，啲司機都成日講粗口㗎啦，如果男人講粗口時係冇存在攻擊性嘅，其實都好man㗎。」問千嬅似乎不抗拒聽粗口，若她被人用粗口問候會有何反應？她說：「我諗對方會難堪過我囉，我發嬲時通常係唔出聲嘅。」再問她陳冠希曾揶揄余文樂攞「垃圾獎」，千嬅則說：「我冇親耳聽到，我諗成件事係兩個小朋友誤會啫。」
此外，陳見飛昨日對於胞弟陳冠希與余文樂爆粗互罵事件，力撐胞弟不會講粗口，她說：「當晚情況好混亂，其實只係有啲碰撞。後來因為側邊啲人太緊張，就有人拉開佢哋，但冇互睥，亦冇講粗口，都冇打交，識我細佬嘅人都知道佢唔會講粗口。」
採訪、攝影：梁錦雯、卓寶花
