響剛舉行嘅美國底特律車展上，除有先前我哋曾為大家作介紹嘅多款新車展出外，日本萬事得車廠亦於會場內，展出全新MazdaWashu概念車，並備受在場車迷注視。
呢部MazdaWashu造型極具流線型，望落份外吸引突出之餘，如飛機門一樣嘅對開式闊大車門組合，亦方便乘客上落；另外，一組LED頭燈更附有最新嘅AFS（AutomaticFocusingSystem）系統，頭燈射出嘅光線能跟隨軚盤轉動而改變，從而可改善晚間行車時嘅照明度。至於車廂方面，不單止空間闊落，座椅更可作不同組合，以切合不同需要。然而，一台3.5公升V6引擎輸出亦見強勁（馬力約245匹），配以一套6前速自動波，性能表現倍見突出。若然此車能正式推出的話，定會惹來不少車迷追捧呢！