02年樂壇成績表經已派發，睇完頒獎禮你會知道邊個歌精舞勁之餘，更會讚歎防水化妝品之強勁，一眾女歌手得獎時都熱淚盈眶，但妝容依然保持得極好。此外，她們花枝招展的髮型亦絕對要留意，事關03年主打的三大潮流──劉海、曲髮和雞冠頭，頻頻亮相，唔想落後於人就要立即去Salon整番個！
記者：梁珮瑜
逢星期一至五刊出
今季髮界多人捧劉海，而且劉海要「齊蔭」兼蓋過眼眉為之型，絕對唔係早年興過的超短劉海，敬請留意。
要剪簡單劉海，其實在家亦做得到。可以先用髮夾將頭髮分左、右、前三部份，剪齊額前頭髮至理想長度。再利用平齒梳將頭髮由髮根梳至眼眉位，用鉸剪以垂直而微斜的角度修剪髮尾。最後用碎髮鉸剪將髮尾剪碎便可。
何韻詩、趙頌茹及陳文媛等，在三個頒獎禮上都有Set個雞冠頭，而Twins更是每次怒髮雞冠去捧獎。其實把全部頭髮Set起，不但感覺好醒神，望落重會高幾吋。
上年曲髮被勁煲，03年似乎繼續上位。頒獎禮上，十個女星八個玩SoftWave，可見微曲鬈髮今年繼續旺場。