嶺南大學校長陳坤耀又俾人針對？陳校長噚日約咗幾個記者下午茶敍，點知朝早各大報館都接到神秘電話，話陳坤耀上星期出席嶺大前校長陳佐舜喪禮時，遲到咗幾分鐘，神秘人批評陳坤耀平時唔准學生遲到，但係自己又遲到，叫記者問吓佢點解。
陳坤耀強調話佢冇遲到，只係原來預早十分鐘到，最後變咗準時到，原因係佢個司機以前服侍咗陳佐舜十二年，司機自己都好想參加喪禮，所以要兜架車去停車場泊車再一齊行過去，點知架車又俾垃圾車、校車等塞一塞，結果用咗十分鐘。至於邊個咁大仇口要篤陳坤耀背脊，八方都好想知。
﹙圖﹚陳坤耀俾神秘人投訴佢唔准學生遲到，但係自己就遲到。
傳真︰2623-9278
電郵︰