由新鮮出爐嘅最受歡迎男歌手得主李克勤唱主題曲、電影《無間道》嘅黃Sir黃秋生有份演出嘅劇集，真係聽到都好想即刻睇，八方講緊嘅係警察公共關係科同香港電台合作製作咗一部名為《執法群英》嘅實況劇集，將由下周五開始，一連八個星期嘅晚上七時喺無綫電視翡翠台播出。
除咗有上面提過嘅兩位猛人之外，重有譚耀文、方中信、青春偶像方力申、陳文媛等參與演出。
劇集會透過改編真實個案，將觀眾帶到最前線，題材涉及爆炸品處理課、小艇隊、重案組等，重會講當年轟動全城嘅超級賊王葉繼歡案，究竟巡邏警員點樣擒獲呢個頭號通緝犯？另外，重會講解拆彈專家拆彈時又點樣千鈞一髮？
咁嘅陣容，咁嘅劇情，八方到時一定會擔櫈仔霸頭位收睇！
（圖）警察公共關係科總警司鄧厚江（右）頒贈紀念品畀李克勤，感謝佢為實況劇《執法群英》唱主題曲。
傳真︰2623-9278
電郵︰