全城車迷期待已久，2003年首部全新三菱Colt車系，上個周日經已響各大陳列室預展，想唔到一班有心嘅Fans，竟然較亞Mark更早一步落Showroom睇車；據知Colt未正式開賣，就經已接到唔少客人嘅Order，可知呢部新一代迷你CityRV嘅Colt，又豈止響東瀛本土受追捧，亦見得香港人嘅潮流觸覺係幾敏銳呢！新車一如我哋《車天車地》版早前嘅介紹，賣相Cute有型外，重不失小車嘅靈巧多變同實用性。其中，較同級更超著嘅車廂空間感，匹配埋一台全新MIVEC偈同CVT波箱組合，既慳油好力又見操控容易，加上備有Deluxe同Sporty版本供選擇，以唔到11萬嘅價錢，就可以擁有多項原廠配備喎！有興趣嘅朋友，就記得去響嚟緊周末舉行嘅車展睇睇喇！