藤原紀香人氣愈嚟愈低，所以佢好努力建立有學識兼關心社會嘅國際形象，好似做吓日韓大使，同埋為阿富汗人民開籌款寫真展咁。
最近紀香重出書教日本女性用英文追男仔，我羅拉都睇過佢寫嘅英文，叻唔叻真係見仁見智嘞，不過勝在佢夠膽講。
呢本叫《同紀香一齊學談戀愛英文》嘅書仔，隨最新一期日本版《COSMOPOLITAN》附送，一般香港人睇落可能會覺得淺咗啲，不過紀香話：「有好多說話用日文講會怕醜，不過用英文就變得好有詩意！」
紀香話，男女雙方初初見面時不妨講句：「Doyoucomeherewithyourgirlfriendtoo？」（你同你女友一齊嚟？）嚟試探對方；而想主動出擊就講：「Isitalrighttocallyou？」（我可以搵你呵？）；要表白就直接話：「Youmeanalottome...」（你對我好重要！）
紀香重用埋佢嗰套可以晒英文嘅《雷霆戰警》同其他電影嘅經典對白出嚟做例子，話冧女冧仔都一定掂喎。