日本藝能界天之驕子窪塚洋介可謂豔福無邊，他早前因工作在東京和京都兩邊走，經常在卡拉OK和夜店消遣，身邊更有不同的靚女陪伴，真是羨煞不少男士！
據今期日本雜誌《女性自身》報道，窪塚洋介為拍攝古裝奇幻電影《魔界轉生》經常到京都，收工後都會到當地的卡拉OK和夜店消遣，因而結交不少異性朋友。
《女性自身》雜誌上月中偷拍到窪塚在《魔》片煞科後，晚上九時四十分左右與近三十人浩浩蕩蕩到京都一間卡拉OK唱歌，除了工作人員外，還有不少女fans。窪塚當晚玩得十分高興，更即場大派簽名，可算十分識做。
有同行的二五仔向雜誌爆料說：「窪塚去京都玩嗰陣識咗一個女仔，同佢特別老友，窪塚重去埋人哋屋企，亦曾經用公司車送人返屋企㖭！」
窪塚的確是豔福不淺，返回東京後又不斷換新女伴，上月十三日有人目睹窪塚與一名穿紅色大褸的女子在涉谷食台灣菜，之後還乘車進入圓山町的酒店街。此外，另一名目擊者說：「上個月二十一號，我喺東京一間Club見到窪塚，同個髮型十足常盤貴子嘅女仔玩到凌晨五點！」